26 сентября 2026
03 октября 2026
Квэст-гульня "Займальная вандроўка"
Кожны чалавек павінен ведаць, любіць і шанаваць традыцыі і культуру свайго народа. З мэтай пашырэння ведаў пра гістарычнае мінулае, культурную спадчыну, этнаграфію і прыроду Беларусі, выхавання пачуцця гонару за сваю краіну і яе народ 3 кастрычніка 2026 года ў Дзяржаўнай установе адукацыі “Аздзяціцкая сярэдняя школа Барысаўскага раёна” праведзена квэст-гульня “Займальная вандроўка”.
На прыпынках «Літаратурны», «Перакладчыкі», “З рога ўсяго многа”, ”Лінгвістычны”, “Краязнаўчы”, “Этнаграфічны”, “Энцыклапедычны”, “Святы і абрады” ўдзельнікі адказвалі на пытанні, перакладалі словы з рускай мовы на беларускую, узнаўлялі прыказкі і прымаўкі, успаміналі народныя святы, разгадвалі рэбусы і крыжаванкі.
Падчас гульні дзеці не толькі прадэманстравалі свае веды аб роднай краіне, яе традыцыях, прыродзе, але і цікава правялі вольную хвіліну.
Напрыканцы мерапрыемства ўдзельнікі атрымалі падарункі і зрабілі выснову, што мы жывём у прыгожай і маляўнічай краіне. Няхай шчаслівай будзе зямля пад белымі крыламі, наша родная Беларусь!